【 #文化 】EP499｜軟色情男女｜直播｜半夜微醺 Drunkirk

Support this show: https://ckrc5wq2f9pij09307yht20qx.firstory.cc/join

Leave a comment and share your thoughts: https://open.firstory.me/user/ckrc5wq2f9pij09307yht20qx/comments

【 #文化 】EP499｜軟色情男女｜直播｜半夜微醺 Drunkirk

影片連結：https://youtube.com/live/nmAxJhgQiSU

--------------------

#文化 #軟色情 #幹話

--------------------

從來做生意，咸濕嘢一定最好賣，或最易打開新經濟嘅缺口。打機梗係咸Game最好賣；互聯網都係咸網最值錢；而家興嘅AI，除咗gen關公刮痧，又點少得咸濕嘢份。即係話，如果行咸濕呢條路都搵唔到錢，你嗰行都睇嚟兇多吉少。而色情又可以係目標又可以係手段，不過法例亦有規管，因而「軟色情」應運而生，連副校長都會問女學生著黑色內衣係咪想引誘男學生同男老師，壓抑真係太大。

自從網絡上嘅色情越嚟越Hardcore，好多色情文化產品都會被歸類為軟色情，以前睇啲借位港產三級片就好猥褻，但其實真正軟色情係再軟好多。可能好多老司機睇唔起軟色情，覺得好似食扮肉嘅素食咁，齋口唔齋心，咸口唔咸心，好多咸濕佬上網，唔想見到可愛嘢、屋企嘢、食嘢、政治嘢，佢淨係想講，佢淨係睇打鹹嘢！就係咁簡單！然而我們不能忽視軟色情的坐大，今時今日以女性為客群的軟色情巿場先係藍海，澳洲大大隻消防員、韓國男藝人震波、內地軟色情劇本殺等等，伍詠薇一個氧氣罩又邊夠千千萬萬嘅坐在男方快車上的咸濕妹，好讓大家做個濕濕的夢，創造這深深的痛，再要跌入你黑黑的洞。

軟色情不只是相對Hardcore而被比較出嚟嘅Pickleball版咸濕嘢，軟色情係一種獨立存在的文化，與硬色情比較，差異不是「激烈VS溫柔」，而係「告知咸濕VS證實咸濕」，軟色情將咸濕的演繹權交予用家手中，所以本質上軟硬是不同的事。而軟色情更厲害的是，它可以滲透不同領域，不一定要匿匿埋埋，軟色情可以穿插於一般電影、歌曲、O Camp、雜誌，將大家靈魂逐寸向著洪水跌墮。因此，掌握軟色情，今時今日做生意無往而不利。

-----------------------------

🗣️ 傾密計去Discord～：https://discord.gg/N24SpkP8m4