哈拉瑞最新作，《連結》（9）丨【《女巫之槌》與印刷術】中世紀只係出現過一場大規模獵巫？教士因為厭女情緒，推動「全球女巫陰謀論」，最終成為教皇代表……丨得閒讀書會（38）丨〈錯誤──絕對正確是一種幻想〉

<p>原片：<a href="https://youtube.com/live/JYgf4Zo1Rjk" target="_blank" rel="noopener noreferer">https://youtube.com/live/JYgf4Zo1Rjk</a></p><p>如果我同你講，中世紀只係出現過一場大規模獵巫，你會唔會覺得匪而所思、難以接受？</p><p>今集，我會同你一齊從引發大規模獵巫行動嘅《女巫之槌》講起，藉由論述印刷術同獵巫行動嘅關係，你會發現：資訊流通可能嘅壞影響，而大規模、持續發酵嘅獵巫，的確唔係出現喺中世紀社會……依家，我哋先簡介下女巫形象先。</p><p>你心目中嘅女巫，擁有住點樣嘅形象？</p><p>喺各大洲嘅各個時代，人類社會都曾經深信有魔法、深信有女巫，但唔同社會對女巫嘅想像同反應，各有不同，有啲文化好驚女巫、有啲文化能夠包容、甚至係尊重女巫：</p><p>有啲社會相信女巫會控制靈魂、同死者交談、預測未來；</p><p>有啲社會相信女巫會偷走牛隻、尋找寶藏。</p><p>有啲地方相信女巫會帶嚟疾病、令粟米田枯萎、調製愛情靈藥；</p><p>但去到另一個地方，又會認為女巫會喺半夜摸入人哋間屋做啲家務，然後偷走牛奶。</p><p>喺某啲地區，大家認為施展巫術嘅多數係女性（中文當中嘅「巫」係預設咗女性，因為男性巫師係叫做「覡」（音：轄））；但去到另外一啲地區，通常會認為係男性施展巫術。</p><p>通常嚟講，女巫／巫術社會會係文明開初時候嘅特徵，隨住時代行進，社會就會慢慢唔在意咩女巫唔女巫——因為女巫往往會被安置喺體制之外。</p><p>可能同我哋嘅常識唔同，喺中世紀嘅大部分時間入面，大多數歐洲社會就係屬唔太在意女巫。</p><p>中世紀嘅天主教會並無將女巫視為對人類嘅重大威脅，有啲教會人士甚至仲積極勸阻民眾唔好去獵巫。根據極具影響力嘅十世紀文獻《主教會規》（Canon Episcopi，入面定義咗中世紀教會對巫術嘅教義），佢哋認為巫術多數只係幻覺，而「相信有巫術存在」呢件事本身，就已經係一種違反基督教教義嘅迷信。</p><p>亦即係話，中世紀教會認為女巫同魔法根本就唔存在，只係日耳曼異教徒殘留嘅迷信幻覺。 如果有人聲稱自己可以騎住掃把飛、或者識得落降頭，教會嘅做法唔係燒死佢，而係叫佢去懺悔。</p><p>「所以，歐洲的獵巫熱潮其實不能說是中世紀的現象，而是一種近世現象。」</p><p>呢點，我最近有預備緊凱爾特文化嘅集數，正正同啱啱所講嘅日耳曼異教徒有關。大家可以期待一下。</p><p>當我哋回望歷史，會發現話中世紀出現獵巫係唔太準確，因為歐洲最瘋狂、最血腥嘅獵巫大屠殺係集中爆發喺15世紀末到17世紀（即近代早期 Early Modern Period）。</p><p>呢個時期正正就係歐洲經歷緊文藝復興、宗教改革，甚至係科學革命萌芽嘅時代。當達文西喺度畫蒙娜麗莎、莎士比亞喺度寫劇本、哥白尼同伽利略喺度仰望星空嗰陣，歐洲各地嘅火刑柱就燒得最猛烈。</p><p>而通常理解，中世紀係完結於東羅馬帝國滅亡，亦即係1453年。</p><p>呢場獵巫熱潮點嚟？我哋要返去1420年代同1430年代嘅阿爾卑斯山脈講起。</p><p>《女巫之槌》，由瘋子到教皇代表 07:31</p><p>獵巫熱潮 23:08</p><p>一把口一百種真相 31:12</p><p>最嚴重的獵巫事件 37:25</p><p>科學革命真正的引擎 42:49</p><p>逢星期三夜晚九點直播</p><p>（如有字幕，字幕由ai生成，我無時間檢查，如有需要，自行取用）</p><p>閱讀材料：</p><p>《連結》</p><p>🐮 Follow IG：https://www.instagram.com/cowgortalk</p><p>🐂 加入讀物農莊，一齊閱讀，一齊討論！</p><p>https://www.patreon.com/cowgortalk</p><p>【文稿可於Patreon免費閱讀】</p><p>成為頻道會員並獲得福利</p><p>【聽Podcast】</p><p>🎧 Apple Podcast：https://podcasts.apple.com/podcast/id...</p><p>🎧 Spotify：https://open.spotify.com/show/0yFR7YK...</p><p>🎧 Google Podcast：https://bit.ly/3Cknf1m</p><p>🎧 KKBOX：https://bit.ly/3RneS9t</p><p><br></p>